Page 41 - ARUBA BANK
P. 41
Gobierno a traha y ta drechando nan pa por presente na Hulanda pa sigui negocia pa e
protocol pa bahamento di gastonan di personal pa e proximo añanan.
Segun ponencia di CAFT, no por bisa mucho, debi cu nan no ta autorisa pa ley, mirando
cu ainda Gobiernonan di Aruba y Hulanda ta den discusion y no tin un protocol firma
ainda. All in all, CAFT ta di opinion cu Gobierno mester baha e gastonan di personal cu
14.2 miyon florin mas, e aña aki ainda. Cu otro palabra, esaki lo nifica cu durante luna di
December, lo mester manda empleadonan cas y esaki, segun e mandatario, ta irealistico.
Minister Xiomara Ruiz ta pensa cu na momento cu CAFT a bin cu e conseho aki, el a
bira cambia di pechi y sinta riba stoel di Minister, un stoel di esunnan cu tin cu maneha
Aruba y esey sigur no ta competencia di CAFT. Cada ken tin un tarea pa ehecuta. Contal,
protocol no ta cla ainda y un di e puntonan di discusion ta gastonan di personal.
Minister Xiomara Ruiz-Maduro a remarca cu CAFT no por yega na tipo di conclusionnan
asina y tin cu mantene na e punto di salida di Gobierno, unda cu den su memorandum
financiero-economico ta mustra cu cada aña structuralmente, Aruba ta cumpli cu baha
gasto cu 3%.
Un di e formanan pa reduci gasto e aña aki ainda ta dor di no paga e suma di gelijkbedrag
na empleadonan publico na fin di november y keda sin paga bonus na december. Ambos
decision lo ta fatal politicamente pa Gabinete Wever-Croes. Di otro banda, siguidonan di
politica a sigura cu na inicio di aña caba Gobierno mes a priminti di reduci gastonan di
personal e aña aki y awo no por cumpli. E tipo di scenario asina a sosode caba den tempo
di AVP cu a hasta causa un welga di hamber di ex Prome Minister Eman. Awor ta toca
turno na MEP pa atende e presion di Gobierno di Hulabda via e instrumento CAFT.
