Page 12 - BNDIA ARUBA

a12 riba caya
Diaranson 27 Maart 2019

Yiu muhe cu problema mental a corta tata den cas

SEROE PATRISHI - Dialuna durante oranan di anochi
polis a keda dirigi pa un cas situa na Seroe Patrishi na
unda lo tin un problema di famia.

Bisiñanan a scucha un grito den e cas y pa algun rato a mira un
cantidad di polis a presenta. E yiu muhe cu no ta bon di cabes
a corta e tata cu un obheto skerpi, lagando e basta herida. Polis
a detene e dama di biaha. Ambulance a presenta na e sitio y
paramediconan a atende cu e tata su corta, pa despues a so-
licita otro ambulance cu na su yegada paramediconan a brinda
asistencia na e mama cu a bira malo.

Polis di bario y FCCA a tene proyecto di limpiesa na Bushiri

ORANJESTAD – Dialuna ultimo polis di bario di dis-
tricto di Oranjestad conhuntamente cu personal di
wijk –en woningbegeleidster di FCCA a cuminsa un
proyecto di limpiesa den e bario di Bushiri.

Recientemente a tuma luga un reunion na unda tur dos parti-
do a sinta hunto pa cuminsa cu proyecto den e bario di Bush-
iri. E problema den e bario ta e hecho cu e residentenan ta
haya molester di aglomeracion di cierto gruponan. Autonan
bieu para riba caminda, tambe autonan sin number y /of au-
tonan cu ta daña pa tempo largo cu ta para den e parkeerplaats
cu ta destina pa esunnan cu ta bibando eynan y tambe para
riba tereno publico.
Durante e accion a kita 17 auto for di caminda publico.
Lo bay pone atencion na bendemento di droga den e bario,
cacho cu ta cana los y hopi mas. Den e proyecto aki person-
al di FCCA conhuntamente cu polis di bario di districto di
Oranjestad a bay over na informa tur e residente pa loke ta e
accion cu a tuma luga.
Tur e autonan para riba caminda publico cu nan number di
auto no ta paga a wordo getakel y hiba warda di Balashi. E
doñonan lo tin di bin cu nan papelnan na ordo y pa asina nan
por haya nan auto bek. E proyecto aki lo bay tuma luga den
mas barionan di Oranjestad durante e temporada cu ta bin.