Page 38 - DJABIERNE 28 DESEMBER 2018.pdf

38 Djabièrnè 28 Desèmber 2018
Kontinuashon di pagina 34
Kompania di Minister Lee

di e agensia SMN ta
bisa.
Por bisa ku e minister
aki ta unu ku a hasi
su mes un réplika di e
palabranan transparensia
i integridat, i awor e lo tin
di bai splika e pueblo di
St. Maarten kon bon lo ta
pa su kompania a sigurá
un kontrakt asina siendo
ku e ta un miembro dje
Konseho di Minister di St.
Maarten.
T’asina ku e minister aki
hasié komo su obligashon
di bishitá sitionan
unda tin konstrukshon
kompañá pa inspektornan,
usando asina su
posishon den Konseho
di Minister pa intimidá
otro kompanianan den
konstrukshon.
E último proyekto
ku el a bishitá tabata
esun di Princess Juliana
International Airport.

Segun SMN, Minister
Emil Lee a presentá hopi
promesa falta dilanti e
pueblo di St. Maarten, el
a ridikulisá polítikonan
lokal i yama nan korupto,
miéntras e mes tabata
ok upando su mes
ehekutando plannan pa
enrikesé su kompania.
El a trata di despistá
outoridatnan dor di pone
e kompania riba nòmber di
su kasá. E minister aki ta
trahando riba e proyekto
di hospital nobo na St.
Maarten, i por bisa ku el
a kibra tur barera for di
momentu el a kontratá e
kompania Inso ku a bai
bankarota i su kompania
madre Ferfina SPA.
E mandatario aki su
tarea prinsipal lo mester
ta pa sigurá ku ta kumpli
ku leinan laboral i ku e
proseso ta ser respetá,
pero el a hasi tur loke ta
posibel pa kubri kosnan
robes ku ta sosodé.
Tur e tipo di kosnan
aki ta otro prueba dikon
polítikonan ulandes no
tin muchu konfiansa den
sierto mandatarionan di
St. Maarten.