Page 40 - DJABIERNE 28 DESEMBER 2018.pdf

40 Djabièrnè 28 Desèmber 2018
Kooyman lo konstruí un

Megastore na Barbados

Konstrukshon ta kuminsá yanüari 2019
WILLEMSTAD.-
Kooyman lo konstruí un
Megastore riba isla di
Barbados. Esaki lo wòrdu
komuniká ofisialmente
den luna di yanüari 2019
riba e isla. Intenshon ta pa
kuminsá ku konstrukshon
otro luna, asina direktor
ehekutivo Herbert van der
Woude i Juri Kooyman,
ku ta “senior manager
operations”, a bisa den
un entrevista ku EXTRA.
Segun Van der Woude
algun aña pasá ‘nos a
tuma desishon pa nos
sigui krese pafó di nos
merkado tradishonal’.
Manera ta konosí Kooyman
na e momentu ei tin seis
diferente negoshi, riba e
kuater islanan (Kòrsou,
Aruba, Boneiru i St.
Maarten). ‘Nos a kuminsá
buska un otro merkado.

Nos sa ku na Kooyman
nos ta bon ku logístiko
na islanan chikitu i
tambe nos ta bon pa
sirbi merkadonan riba
islanan chikitu. Si bo ta
wak bon logístika riba
islanan chikitu ta algu
kompletamente diferente
ku por ehèmpel un negoshi
na Merka. Logístika na un
pais grandi ta algu otro.’
Direktiva di Kooyman a
wak na otro islanan den
region. ‘E islanan ku
tin e idioma prinsipal di
ingles ta mas fásil pa nos,
kompará ku e islanan ku
tin komo idioma franses.’
Kooyman a inventarisá
diferente islanan, entre
otro Trinidad, St Kitts i
St Lucia. ‘Na final nos a
skohe pa Barbados. Pa
motibu ku e merkado ku
290.000 abitante ta basta
grandi, tambe tin basta
forsa di kompra i segun
lista di Transparancy
Internashonal tin tiki
korupshon na Barbados.
Pa nos ta importante ku
nos por hasi negoshi na
un manera honesto. Si
nos ta wak e merkado,
nos a mira ku tin espasio
pa nos produktonan. Un
Megastore manera nos
tin na Kòrsou i Aruba,
nan no ta konosé na
Barbados. E ta algu nobo.
P’esei nos a opta pa bai
Barbados.’ Kooyman lo
konstruí un Megastore
manera e edifisio na Jan
Noorduynweg, inkluyendo
‘drive tru’.