Page 30 - AHATA
P. 30
AEROPUERTO Y AVIACION
CIVIL DI ACUERDO CU OTRO
RIBA NIVEL DI SIGURIDAD
11 September, 2019, 11:30 pm
Departamento di Aviacion Civil Aruba recientemente a aproba e Acuerdo di Aceptacion,
pa asina reconose e nivel di seguridad di Amsterdam su aeropuerto Schiphol. E
reconocimento di ekivalencia aki ta haci posibel cu buelonan cu ta origina na Schiphol y
cu mester pasa via Aeropuerto Internacional Reina Beatrix (AIRB), pa no mester duplica
e medidanan di siguridad ora yega Aruba, permitiendo asina pasahero- y maletanan di
transito pa pasa sin problema di transito na Aeropuerto di Aruba y por sigui riba otro
buelo pa otro destinacion, sin trece e aspecto di safety y siguridad den peliger.
ICAO su Annex 17 ta permiti areglonan similar di controlnan di siguridad, cu sosten di e
estado miembro y un proceso di validacion y implementacion continuo di procedura
conhuntamente cu e otro estado pa sigura cu e aplicacion di controlnan di seguridad na e
punto di origen ta wordo acompaña pa medidanan di proteccion contra interferencia sin
autorisacion te ora e avion sali for di e punto di transfer.
Edwin Kelly, Director di Departamento di Aviacion Civil, a indica cu parti di e proceso
pa logra reconocemento di equivalencia a ensera un audit extenso di e procesonan di
seguridad na Schiphol, incluyendo e revisacion di personal, trainingnan, proceduranan,
ekipo, mantencion, documentacion y otro medidanan pa garantisa e sterilidad di pasahero
y maleta.