Page 31 - AHATA
P. 31
CEO di Aruba Airport Authority N.V. (AAA), operador di AIRB, Joost Meijs, a indica
cu esaki ta un desaroyo hopi positivo, mirando cu estadonan y aeropuertonan ta sigui
busca maneranan pa facilita biahamento mas eficiente entre pais- y aeropuertonan. E ta
ansioso pa logra mas acuerdo similar cu otro aeropuerto y estado tambe, mirando cu e
acuerdonan aki ta yuda mehora e experiencia di e pasahero door di aeropuerto di Aruba.
Actualmente tin dos aerolinea cu ta biaha directamente for di Schiphol pa Aruba. KLM ta
opera 7 buelo non-stop pa siman for di Schiphol pa Aruba cu ta traduci na un averahe di
7500 pasahero pa luna, di cual 3100 ta pasaheronan di transito.
Un cantidad significante di pasahero cu ta biaha for di Schiphol ta pasaheronan di
transito, conectando cu otro destinacionnan den Caribe y desde 11 di September, 2019 e
pasaheronan aki por pasa e proceso di transito mas facil na Aeropuerto di Aruba.