Page 45 - ATA

pa detecta y preveni criadero. Esaki ta hopi importante pa nos industria
turistico, como cu hopi turista prome cu nan bin Aruba nan kier sa con e
situacion ta na Aruba pa cu malesanan transmiti pa sangura. E resortnan cu ta
participa na e programa di “Mosquito Controlled Resort Program” y cu durante
aña 2018 GKMB no a encontra ningun criadero cerca nan, awe a ricibi nan
certificado. Ta trata aki di 25 resort cu ta representa 45% di e cantidad cu ta
forma parti di e programa. Tin di remarca cu e logro aki no ta uno facil pa e
resortnan. E ta rekeri teamwork y control rond di e resort continuamente.
P’esey ta na su luga pa duna balor na e esfuerso grandi aki cu ta wordo haci no
solamente pa proteha e turista, pero tambe tur empleadonan y Aruba completo
di malesanan transmiti pa sangura. Na e resortnan cu no a logra nan
certificado, nos ta encurashanan pa sigui cu e bon trabou. Semper por aserca
GKMB pa conseho y asistencia cu e meta pa ta un resort cu ta liber di criadero
di sangura. Pa mas informacion por tuma contacto cu seccion di Gele Koorts en
Muskieten Bestrijding (GKMB) na 5224200

https://masnoticia.com/departamento-di-salud-publico-hunto-cu-ahata-ta-felicita-resortnan-cu-nan-
trabou/