Page 53 - ATA
P. 53
Maduro ta acusa Merca di sabotahe
na barconan cu gasoline na caminda
pa Venezuela
28 May, 2019
CARACAS, Venezuela- Presidente di Venezuela, Nicolas Maduro dialuna a
denuncia cu dies barco cu gasoline cu tabata na caminda pa e pais
Suramericano aki, tabata obheto di sabotage, como parti di e “persecucion” cu
Merca ta aplica contra di e pais Caribeño aki.
“E barco cu siman pasa tabata trece gasoline, dies barco a wordo sabotea pa
nan no yega costanan Venezolano”, Maduro a bisa den un reunion cu e directiva
di e Partido Socialista Unido de Venezuela (Psuv), na Caracas.
A pesar di e incidente, e mandatario Suramericano a sigura cu e problema cu e
barconan, ta “casi di wordo soluciona”.
