Page 35 - MIN JUS

Asaltante riba turista na Arashi deteni despues di
persecusion na Sero Janchi

Friday, 02 December 2016 16:53
Comparti

Diabierna den oranan di merdia a sosode un ladronicia cu violencia riba turista. Esaki tabata banda di
Arashi. E informacion a drenta cu un Tercel blanco glas preto a yega y un di esnan den e Tercel a baha y
ranca tas di un turista Italiano. Nan a baha na awa direccion zuid pero a yama Polis mesora.
E bon informacion duna a pone Polis mobiliza mesora pa e area. Asina den otro parti nan mas afo tambe
a cuminsa e extra vigilancia te cu Polis a topa e Tercel. A cuminsa un persecusion cu no a bay facil. A
logra gara un di e atracadornan cu ta conoci di Polis. E persecusion a pasa den Calabas, Sabana Liber,
Kudawecha y termina na Sero Janchi. E Tercel a dal den un pickup y e persona den e pickup a keda
herida tambe levemente. Un di e asaltantenan a keda deteni y e otro a huy na pia. Esun cu a huy ta un tal
Joshua Arends cu ta wordo busca pa husticia algun dia caba. Esun deteni Jairo Alexander Chaljub a
wordo hiba warda y auto confisca. Den e auto a topa pertenencianan procedente riba e turistanan banda
di lama. Tremendo trabou di Polis cu un biaha mas a reacciona hopi brabo riba e asaltantenan causando
hopi daño na nos turismo.