Page 37 - MIN JUS

Pariba di KIA banda di Boca Grandi cu Grape Field e boto a bin pega te na tera. Aunke ta bisa cu ta
problema di motor, ta dos motor e boto tin. Ora el a pega na tera melding a drenta na Polis. Polisnan di
San Nicolas a yega mesora na e sitio. Eynan a atende cu esnan abordo. E cuater tripulantenan cu no tin
caminda pa keda mester a wordo hiba bek Barcadera. Donjo di e boto a pidi pa un takelwagen bin pa
yude ranca e boto prome e haya mas danjo den e lama. Tur cos a wordo saca for di e boto. Personal di
Maritiem y Kustwacht a wordo avisa di e caso aki mesora. Nan a bay na e sitio tambe. E takelwagen
dificilmente por a ranca e boto for di e lugar unda el a pega. A busca manera di haya un Chubato. A pidi
tambe pa e cachonan di Polis pa asina bin hole wak si tin algo robez. E boto aki no ta desconoci pa
autoridad di waf na Barcadera.