Page 21 - HOH FEB 2

Parlamento, drs. Mervin Wyatt-Ras: Pronto IMSAN lo por
bai converti su mes den un centro especialisa pa atende cu
entre otro e malesa cancer

Wednesday, 01 February 2017 17:07
Comparti

Drs. Mervin Wyatt-Ras hunto cu varios colega Parlamentario a bishita IMSAN diamars unda a ser ricibi
dor di e director dr. Joel Rajnherc. IMSAN ta ofrese Dagbehandeling y servicio pa loke ta trata
Spoedeisende Hulp, Cuido pa diabetico y Wondenpoli, tratamento do wowo (oogheelkunde), Centro di
Dialyse, servicio di Ambulance, Seccion di tuma sanger, etc.

Por constata cu malesanan chronico ta aumentando drastico den nos comunidad. Desde varios anja tin
intencion pa haci IMSAN un centro oncologico den cooperacion cu Baptist Health di Florida. Esaki
sigura lo baha gasto di manda patientnan den exterior pa tratamento. Aki lo haya sosten di Babtist
Health di Florida pa haci e adaptacionnan necesario y pa e personal por ta acredita segun e sistema di
JCI. Ya caba den a haci varios tramite pa financiamento. Den un par di luna lo inicia cu e proyecto cu
duracion 2 anja. Lo tin ampliacion di e lift, e central electrical plant y tamb e bunker pa e liniaire
versneller. Positivo ta cu tin un entidad renombra manera Baptist Health cu lo sostene IMSAN pa haci
diferente adaptacion y pa equipa personal cu conocemento necesario.

Mervin Wyatt-Ras ta comenta cu ya tin par di anja ta trahando ariba e plan aki y cu determinacion ta
spera cu e plannan aki por bira realidad. Den Parlamento a haya presentacion di Director di IMSAN. En
bista di e cantidad di patientnan cu ta bai den exterior pa tratamento di cancer, e gastonan di esakinan y
e consecuencianan emocional pa e trahadornan ta di importancia cu ta yega na un proyecto asina. Den
futuro por mira alavez posibilidad di turismo medico cu siguramente pais Aruba lo tin cu enfoca ariba dje
en bista di concurencia turistico den region. Un otro area cu lo bai amplia ta esun di operacion di wowo.
Esaki sigur lo haci posibel cu pashentnan lo por wordo opera aki mes na Aruba. Sigur lo baha gastonan
medico. Wyatt-Ras ta contento di por a ricibi informacion for di Director di IMSAN y ta spera cu e
proyectonan den plan lo por haya bida.