Page 23 - HOH FEB 2

mucho trempan pa bisa si e ta funciona si of no, cu si lo stop cun’e o sigui
cun’e. Lo purba na invita e personanan cu tin critica riba e facilidadnan cu tin na
Cali, Colombia, pa nan bin pa un combersacion pa asina wak kico ta e problema
y con lo soluciona esey.
Tin kehonan ta drenta na AZV, caminda cu e pashent y/ of su acompañante ta
reclama cu no por come 30 dia largo na e mes un luga, pa cual aki Sr.
Ringeling, director di AZV ta splica.
A pone hopi enfasis riba e hecho, cu un acompañante ta bay pa compaña un
pashent, y no cu vakantie. Si e luga ey tur e 30 dia ta sirbi e mesun plato, pero
esey no ta e caso. Unda cu nan por come, ta den e cantina di e hospital of den e
restaurant di Bela Nova Hotel. Si mester come den e hotel, of den e hospital, pa
30 dia largo, e persona ta haya un plata sumamente varia.
Tin hopi kehonan riba e acompañante, cu no ta keda y cumpli cu e
responsabilidad pa loke el a bay haci cu e pashent. Ta trata aki di un minoria,
pero cu tin su impacto riba e nomber di Aruba y di e pashentnan di Aruba. Lo
bay pone mas atencion, na ken ta bay como acompañante di e pashent. Lo
informa nan mas miho, di loke ta haciendo actualmente. Tambe lo bay actua
mas stricto, si AZV mester haya sa cu e persona no ta cumpli cu su
responsabilidad, lo por stop su estadia na Colombia, como acompañante.
Loke AZV ta haciendo aworaki, ta hibando un combersacion cu un Arubiano,
biba na Colombia, riba instruccion di AZV, si e por fungi como intermediador,
entre e pashentnan y e hospital of otro facilidadnan cu tin eynan.
Mayoria di e verwijzingennan , ta mustra cu no ta necesario pa bay cu un
profesional medico of un verpleegster. Si mester cuminsa manda profesionalnan
medico hunto cu e pashent, esey lo sali AZV mucho caro. Sr. Ango Ringeling ta
enfatisa, cu ta solamente un minoria ta esunnan cu no ta cumpli cu e
responsabilidad cu nan tin cu e pashent na Colombia.