Page 75 - AVP

SIMAR TA PREOCUPA CU

ERROR HACI RIBA SALARIO

DI MAESTRONAN

25 September, 2019, 9:30 pm

Diaranson atardi SIMAR a yama un rueda di prensa pa asina trece dilanti riba un

situacion cu tin e docentenan basta preocupa. Segun presidente di e sindicato Josephine

Martilia-Albertus, e docentenan a acerca SIMAR unda a bisa cu nan ta ripara cu riba nan

cuenta di banco e pago cu a drenta di nan trabao, tabata hopi menos cu loke e tabata ta.

Na e momento ey a bay check cu nan kico a pasa. Riba e mesun dia SKOA a saca un
carta unda cu nan a splica cu tabata e situacion di MPR, cual ta e pensioen correctie cu a

bay fout.

Diamars, ora cu a yama financien, a haya sa di nan cu e diferencia di e MPR no por ta

mas cu 100 florin. Pero tin docente cu a acerca e sindicato, a papia di un diferencia di

1000 florin of 1200 florin. Esey no ta cuadra, segun e sindicalista.

Ora cu tabata papiando cu financien, a bisa nan cu ta hay’e straño pasobra normalmente
un docente ta haya su payslip prome cu e haya su pago. Pero e biaha aki, diamars ainda e

docentenan no a haya nan payslip. Na e momento ey financien a tuma contacto cu e
departamento concerni y a percura pa diamars toch e docentenan haya nan payslip. E ora

nan por a bay wak kico por tabata e fout.