Page 76 - AVP

E parti di MPR tabata cuadra, esta e parti di pensioen regeling, unda cu tabata tin un

coreccion e luna aki. Den e coreccion e docentenan supuestamente no mester a sinti nada.

Pero den booking di e coreccion aki algo a bay fout.

Riba e otro parti, ora cu nan a haya nan payslip, a ripara cu diferente toelage y overtime

nan no a haya. Esey a haci cu e suma a subi asina ey.

SIMAR a acerca DPS, pero no a haya contesta. Diaranson mainta, como dagelijks bestuur

di SIMAR, a dicidi di bay cerca di nan. Ora a yega eynan na DPS, staffuncionaris, no kier

a bin abao cerca nan. No kier a papia cu e sindicato, cual ta hopi serio. El a manda

secretaria pa bin papia cu nan, pa asina indica cu nan ta bezig cun’e. Ora cu a puntra

dicon a yega cerca nan, a indica cu esey no tabata posibel.

E ora eynan SIMAR a dicidi di bay skirbi un carta, dunando DPS te cu cuat’or pa duna
nan claridad riba e situacion, esta pakico no a paga e docentenan nan toelage y nan

extrauren. E ora mas despues a ricibi un carta, caminda cu DPS a duna diferente motibo

pakico nan no por of e pago a bay robes.

Ora cu a bay wak e motibonan, a tuma nota cu loke cu ta skirbi no ta cuadra. Den e carta
ta indica cu e docentenan di SPO cu no a haya nan toelage, nan a bisa cu nan a acerca e

docentenan caba y papia cu nan. Esta e docentenan tabata na altura di e situacion. Ora cu
a papia cu e docentenan, den ningun momento ningun hende di DPS a bin cerca nan. Ta

ora cu nan a ripara dialuna cu e pago no ta cuadra cu nan a yega DPS. E ora eynan a bisa

nan cu nan tin cu acudi na director di scol. Te ainda nan no tin claridad. Pakico e toelage

no a ser paga.

Si wak Colegio San Nicolas, e docentenan tampoco a paga nan overuur. Cerca nan a bisa

nan cu e informacion ey a manda pa nan hoofd di scol, pero nan no a tende nada. Tur

esakinan ta discrepancia cu ta skirbi riba papel. Pero ora cu puntra docentenan, nan no sa

di nada.