Page 66 - AHATA

Rocco Tjon: Na 2015 Caba “Raad Van Advies” A Bisa

Cu E Ley Di LAFT Ta Contra Nos Constitucion

 Politica
- 20/05/2019

Den e prome articulo y video informativo riba e topico aki a elabora riba e origen di e ley
di supervision financiero cual ta data bek for di 2014.

Segun Rocco Tjon, lider di fraccion di MEP, den e Koninklijk Besluit number 20467, cu
Gobierno di Reino a duna sr. Mike Eman pa “ondeugdelijk bestuur”, por lesa cu p’e
motibo cu a hiba un mal maneho financiero, caminda presupuestonan tabata conoce
cifranan irealistico, Hulanda a interveni.

Atrabes di e protocol cu sr. Mike Eman a firma na 2015 y e ley di LAFT cu solamente
Parlamentarionan di AVP a vota na su fabor, e organo di supervision CAFT a wordo
institui.

CONSEHO DI RAAD VAN ADVIES (RvA 109/15)
Den conseho di Raad van Advies number RvA 109 /15 riba e concepto di ley cu a wordo
entrega na Parlamento na aña 2015, por lesa cu Raad van Advies ta indica cu e concepto
di ley ta empugna cu nos constitucion.

Bou capitulo 3 den nan raport nan ta splica cu no por duna autoridad di un pais autonomo
na un organo di Reino.