Page 67 - AHATA

Nan ta sigui splica tambe cu e ley aki ta mina e derecho di budget di Parlamento di
Aruba. Y esaki ta un di e derechonan sagrado di un Parlamento den un estado di derecho.

Por ultimo por lesa den e conclusion di Raad van Advies cu no ta posibel pa den un ley
nacional duna autoridad na un organo Hulandes of organo di Reino. Y nan ta sigui splica
cu e ley ta empugna cu nos Statuut y constitucion di Aruba.

FUNCIONAMENTO DI CAFT
Si nos analisa diferente di e raportnan cu CAFT ta emiti, nos por lesa claramente cu na
diferente momento nan a señala cu tabatin cifranan irealistico keto bay ta wordo presenta.

Mas aun nos por tuma nota cu nan ta papia di maniobranan cosmetico pa purba sera
buraconan den presupuesto.

Loke MEP ta considera alarmante y loke MEP ta condena ta cu e meta pa cual e organo
aki a wordo crea, esta pa percura p’e situacion financiero di pais Aruba bira bon, no a
wordo logra. Al contrario, Gobierno di Reino a permiti p’e situacion empeora.

PA CONCLUI
Den e siguiente clip informativo y articulo MEP lo elabora riba e maneho cu Gabinete
Wever-Croes ta hiba pa remedia e situacion financiero di pais Aruba.

Esaki pa splica cu Hulanda no tin ningun motibo valido pa insinua cu e maneho cu ta
wordo hiba no ta responsabel.

Tambe lo elabora riba e mocionnan cu Parlamento a entrega pa segura cu tin bon control
riba e maneho, p’asina restaura confiansa den nos estado di derecho, segun Rocco Tjon.