Page 29 - HOH

Respaldo A Firma Acuerdo Formal Di Cooperacion

Importante Cu SVGA Despues Di A Wordo Reconoci

Como Instituto Oficial Di Formacion Practico Pa

Estudio Di GZ-Psycholoog

 Local
- 15/07/2019

Recientemente dr. van Gaalen, Director Medico di Respaldo, y drs. Els van Homelen,
Directora di SVGA, a firma un acuerdo formal di cooperacion hopi importante. Ta trata
di un acuerdo di cooperacion entre Fundacion pa Salud Mental Aruba Respaldo (FSMA
Respaldo) y Stichting voor Verstandelijk Gehandicapten Aruba (SVGA) cu ta haci
posibel cu specialistanan di SVGA lo por completa nan formacion practico na poli-
clinicanan di Respaldo.

Esaki en concecion cu e estudio pa psicologonan basico por bira GZ-psycholoog. E
estudio di GZ-psycholoog ta un specialisacion di dos aña cu por wordo sigui despues di a
termina un estudio universitario di psicologia.

Cu e estudio aki e psicologonan lo ta specialisa pa por diagnostica y trata pacientenan cu
problemanan mental.