Page 34 - HOH
P. 34
Respaldo ta firma acuerdo formal di
cooperacion importante cu SVGA
Posted on 07/15/2019 4:39 pm AST | Updated on 07/15/2019 4:39 pm AST
EAGLE - Recientemente dr. Van Gaalen, director medico di Respaldo, y drs. Els van
Homelen, directora di SVGA, a firma un acuerdo formal di cooperacion hopi importante.
Ta trata di un acuerdo di cooperacion entre Fundacion pa Salud Mental Aruba Respaldo
(FSMA Respaldo) y Stichting voor Verstandelijk Gehandicapten Aruba (SVGA) cual ta
hasi posibel cu specialistanan di SVGA lo por complete nan formacion practico na
policlinicanan di Respaldo. Esaki en concecion cu e estudio pa psicologonan basico por
bira GZ-psycholoog. E estudio di GZ-psycholoog ta un specialisacion di dos aña cu por
wordo sigui despues di a termina un estudio universitario di psicologia. Cu e estudio aki e
psicologonan lo ta specialisa pa por diagnostica y trata patientnan cu problemanan
mental.
E estudio pa specialisacion pa psicologonan na Aruba lo wordo duna door di Rino Zuid
di Hulanda y tin un duracion di dos aña y mey. Pa cu esaki Respaldo lo ta trahando
conhuntamente cu Mental Health Caribbean cu ta e instituto cu ta coordina e estudio aki
pa e region.
Fundacion Respaldo ta sumamente contento di por yuda hasi posibel pa nos psicologonan
na Aruba lo por sigui e specialisacion aki na Aruba mes. Di e manera aki pronto Aruba
por conta cu mas GZ-psychologen cu lo hasi cu e nivel di e cuido lo subi
substancialmente. Gradualmente lo por bai responde mihor na e gran necesidad di
