Page 18 - KPA

Anoushka Cadeau: Proyecto di opschoning di Censo ta

bayendo hopi bon

Friday, 20 January 2017 20:53
Comparti

Anoushka Cadeau ta lider di proyecto di opschoning di Censo na Aruba. Un proyecto cu ta andando
actualmente.
El a splica un tiki di e proyecto mes, con ta cu e reaccionnan den comunidad, kico a logra, con ta pick up
e hendenan y a base di kico.
El a conta cu awor aki e proyecto ta bayendo hopi bon. Hendenan ta reaccionando, esnan cu ta hayando
carta. Nan ta meld y nan ta wordo registra den sistema como hendenan cu a pasa y cu a registra en
berdad, cu nan ta bibando realmente na Aruba y na e adres concerni.

Awor aki ta den e fase caminda cu ya practicamente tur e prome oproepbrieven a sali. Post Aruba ta
bezig ta deliver e ultimo zending di e prome oproepbrieven y pa asina rond af e parti di hayamento di e
carta di e prome oproepbrieven. Hendenan cu presenta manera e carta ta indica cu nan paspoort y nan
ta pasa na un di e trahadonan. Cadeau entre otro ta atende, ta tuma copia di paspoort, nan ta yena un
formulario y despues di dje, hink'e den nan aplicacion como un hende cu a presenta.
Hopi biaha ta ripara cu hendenan ta bin spanta, pasobra nan ta kere cu ya caba nan ta bay wordo
uitgeschreven, of no ta compronde precies e contenido di e carta. Hopi biaha ta haya ta splica e persona
kico e proyecto ta contene y despues cu haya e splicacion, nan ta bira mas alivia.

Despues cu nan haya un parti di e splicacion, nan ta bay mee y ta contento verder cu en berdad Censo ta
haciendo un proyecto asina aki pa actualisa nan registro, Cadeau a splica.

Pa por yega na e personanan aki, Censo a haci un bestandsvergelijking cu AZV y tambe imigracion. E
resultado di e bestandsvergelijking aki a pone cu a sali un cantidad di hende cu por ehempel ta cumpli
cu e tres condicionnan aki. Sea ora cu nan a haci e comparacion aki, AZV ta bisa cu no conoce tal y tal
persona, no a inscribi nunca of na momento di e bestandsvergelijking te ora cu e persona tabata inscribi
na AZV, e momento ey su seguro a caduca, of imigracion a indica cu e persona aki tin un of mas aña for
di Aruba.

Den e tres casonan aki, e personanan ta ricibiendo carda. Si ta cumpli cu un di e tres condicionnan aki,
bo ta ricibiendo un carta pa pasa na Censo pa por confirma personalmente cu e persona tey, na Aruba y
segudidamente ta check tambe e adres cual e persona ta inscribi na Censo ta cuadra ainda. Si e no ta
cuadra, posibilidad tey pa haci e cambio. Naturalmente tin cu bin e ora cu un copia di e huurcontract y
tambe ID di e doño. E ora ta probecha haci e cambio y na final Censo ta haya tur e updatenan pa verwerk
den nan sistema.
http://www.24ora.com/index.php?option=com_content&view=article&id=117859:anoushka-cadeau-
proyecto-di-opschoning-di-censo-ta-bayendo-hopi-bon&catid=1:local&Itemid=5