Page 19 - KPA

Den e proyecto di opschoning di
registro civil di Censo ta atende
como 100 hende pa dia

Friday, 20 January 2017 21:01
Comparti

Anoushka Cadeau liderando e proyecto di opschoning di Censo, durante entrevista a splica cu awor aki ta
ricibiendo averahe di 100 hende cu ta bin registra pa dia.

Te cu awor aki tin mas of menos 1100 y pico persona cu a bin registra realmente, cu a bin personalmente.
Esaki ta un bon cantidad pa e cinco pa seis simannan cu ta bezig den e parti di registracion. E hendenan
ta reaccionando y ta biniendo. Tin hende no ta compronde e carta mucho bon. Biniendo pa registra, ta
laga sa cu e persona tey realmente na Aruba y cu ta biba na e adres concerni.

Registracion
Awor aki ta sacando carta cu invitacion riba un dia specifico y un timeframe. Por ehempel ta bisa hende
bin riba diaranson, entre 9'or di mainta y 12'or di merdia. Ta purba di dirigi esaki un tiki pa controla e
fluho. Si lag'e habri pa e hendenan bin na e momento cu ta miho pa nan, pa registracion ta bira dificil si
haya cu reynan largo y oranan di espera mucho largo y esey kier evita. E manera forma cu ta haciendo
esaki, e hendenan no ta sinta ta warda mas cu 45 minuut. Esey ta hopi mes. Pa mey ora mas tanto un
hende ta sinta pa warda su beurt. E ta bay bastante lihe y ta percura pa handel af tur hende corectamente
y si tin pregunta lo responde esey. Ta purba mas lihe posibel tur atende tur hende, pasobra e orario
tambe ta den oranan di trabao, caminda cu hendenan ta busca un chens pa core pasa y regla esaki tambe.
E ta bayendo hopi bon y e hendenan ta haya un fecha.

Pregunta cu nan ta haya hopi ta cu no por meet e ora y e dia den e carta. E ora ta bin riba un di e otro
dianan cu ta diamars, diaranson y diahuebs. Ta enfatisa esaki pasobra tin compronde cu hendenan ta bin
riba dialuna y diabierna y ta haya e oficina cera.

E oficina particular di registracion aki ta habri riba diamars, diaranson y diahuebs, entre 9'or di mainta y
3'or di atardi y no ta cera merdia.
http://www.24ora.com/index.php?option=com_content&view=article&id=117860:den-e-proyecto-di-
opschoning-di-registro-civil-di-censo-ta-atende-como-100-hende-pa-dia&catid=1:local&Itemid=5