Page 21 - DESPA

Conoce varios rash cu

un curpa por haya

Published on March 22, 2017 in Salud/SPLASH
ORANJESTAD, Aruba

E fenomeno di rash ta afectando varios ciudadano rond Aruba. Clinicanan di dokter,
eerstehulp hospital a bin ta atende cu esaki pa varios luna caba. Rash riba e cuero ta
un condicion den cual e cuero ta haya iritacion of ta hincha. Tin caso cu e cuero ta
scama of ta bira corra, e cuero ta habri na llaga of ta sinti e sensacion di kimamento of
grawatamento. Asina hopi condicion medical cu ta causante di e rash. Tin biaha, e rash
por desaroya masha lihe, pero tin biaha hopi lento. E caso por ta hopi mas serio ora e
cuero ta pica cu dolor di curpa.

Bruwela of Chicken Pox :Bruwela of Chicken pox ta desaroya a cu grawatamento
intenso. Lo bai ripara spotnan chikito corra riba cabez, cara, bariga y tambe riba brasa y
pia. E spot chikitonan aki despues ta converti den blaas cu awa cu lo converti despues
den peishi y lo seca cai.

Sarampion of Sarampie:Si bo ta haya rash cu keintura hopi halto y cu sintomanan
respiratorio, malester di garganta y niester, esaki por ta causa di sarampion. E rash aki
ta desaroya tras di horea y riba cara. Riba e curpa lo parece manchanan corra den
forma hopi mas grandi. Manera e sigui crece riba e curpa e ta bin riba bariga y tambe
den palma di man y bao pia. Despues e ta bai den mesun forma cu e la bin riba e
curpa.

Herpes:Si rash aki ta cuminsa sali riba e curpa y ta hopi sensitivo pa mishi cune.
Herpes ta bin compaña pa un kimamento y ta haci dolor of un gevoel manera doof. Un
persona cu Herpes majoria biaha ta cuminsa experencia dolo di nervio y despues e
rash ta cuminsa sali despues di un paar di dia. E rash ta desaroyo blaarnan cu likido y
cu hopi grawatamento. Esey ta haci cu e blaarnan ta kibra.

Impetigo:Erupcion di e rash aki por bin rond di boca na lip y cachete y despues ta
contamina full e curpa. Causa di esaki ta debi na e bacteria streptococcal of
staphylococcal. E enfermedad aki ta afecta e cara pero despues ta pasa tambe pa e
curpa. Riba superficie di e rash tin blaarnan chikito cu tin pus. E blaarnan aki por kibra
hopi lihe.

Meningitis:E enfermedad aki ta un inflamacion di e tejido rond di e celebro. Ni cu haci
preshon riba e cuero por mira e diferencia den e cora di e rash. Si e rash di berdad ta