Page 22 - DESPA

meningitis, mester mester busca atencion di dokter mesora, specialmente si ripara e
sigiente sintomanan cu ta dolor di cabes, keintura, status mental ta cambia, y nek stijf.

Hives of Urticaria:E rash aki ta ronchinan corra cu ta pone e cuero pica. Hopi biaha
esaki ta bin pa causa di un reaccion alergico. E rash aki por sali hopi lihe riba e curpa y
ta kima. Un total di 20% di hende ta experencia e rash aki 1 biaha den nan bida. Hives
of Urticaria por dura un paar di siman prome cu e bai di e curpa.

Prickley Heat na hulandes ta jame Stekelige warmte:E rash cayente aki ta e rason
pakico por experiencia picamento y ta sali riba e cuero ora cu sodo ta keda pega den
e porionan. Esaki ta comun serca baby , pero tur hende por haye den cualkier edad. E
rash aki por bin unda dos cuero ta pega contra otro cu ta bao di brasa, neck y na lies.

Eczema:E tipo di rash aki ta inflamacion di e cuero cu por haci e cuero bira hopi seco y
ta pone e curpa grawata. E grawatamento por haci cu e cuero ta inflama. E rash aki no
ta pega y por sali cu uso di habon, detergente y fibranan synthetico.

Allergia:E causa mas comun pa tin rash cu ta pica y grawata riba henter e curpa ta
debi na alergia. E alergia por bin liviano pero tambe hopi severo. Cu e allergia aki e
curpa por hincha unda e rash ta cu por causa blaar. Algun remede tambe por causa
reaccion allergico.

Reaccion debi na remedi:Algun remedi por causa reaccion di allergia. E lista aki ta
cephalosporins, penicillins, rifampicin y ACE inhibitors. Algun droga manera allopurinol
y acetaminophen por causa reaccion severo jama Steves-Johnson syndrome.

Con pa trata cu curpa cu rash:Curpa cu rash semper tene fresco y hunte cu crema.
Por muha un paña limpi den awa cu ijs y pone riba e rash algun biaha pa dia.

Evita solo pasobra e cayente por causa picamento of grawatamento. Un baño di
oatmeal/avena por alivia e cuero tambe. No grawata e area pasobra e rasca di huña
riba e cuero por haci mas daño. Corta e huñanan cortico. Bisti paña fresco pa evita cu e
tipo di rash cu e curpa tin e momento ey por bira pio. Usa habon special pa laba
pañanan cu ta bisti. Tur dia haci ehercicio pa relaha e curpa, specialmente ora di bai
drumi. Esaki por juda maneha stress y tambe por juda relaha e musculonan pa haci e
sintomanan cu bo tin mas facil.

Mientras cu ta tuma algun cuido na cas mes, pero despues di un paar di dia no ta mira
mehoracion papia cu dokter. Loke por bin aserca ta keintura, dolor di joint, falta di
rosea, dolor di curpa, lenga ta hincha, dolor di cabez y garganta dolo y cu e rash ta mira
peor. Esey por ta señal di infection. Mas ainda por experencia cuero ta pela y
hinchamento. E miho conseho busca mesora atencion di dokter.