Page 43 - DESPA

Herpes:Si rash aki ta cuminsa sali riba e curpa y ta hopi sensitivo pa mishi cune.
Herpes ta bin compaña pa un kimamento y ta haci dolor of un gevoel manera doof. Un
persona cu Herpes majoria biaha ta cuminsa experencia dolo di nervio y despues e
rash ta cuminsa sali despues di un paar di dia. E rash ta desaroyo blaarnan cu likido y
cu hopi grawatamento. Esey ta haci cu e blaarnan ta kibra.

Impetigo:Erupcion di e rash aki por bin rond di boca na lip y cachete y despues ta
contamina full e curpa. Causa di esaki ta debi na e bacteria streptococcal of
staphylococcal. E enfermedad aki ta afecta e cara pero despues ta pasa tambe pa e
curpa. Riba superficie di e rash tin blaarnan chikito cu tin pus. E blaarnan aki por kibra
hopi lihe.

Meningitis:E enfermedad aki ta un inflamacion di e tejido rond di e celebro. Ni cu haci
preshon riba e cuero por mira e diferencia den e cora di e rash. Si e rash di berdad ta
meningitis, mester mester busca atencion di dokter mesora, specialmente si ripara e
sigiente sintomanan cu ta dolor di cabes, keintura, status mental ta cambia, y nek stijf.

Hives of Urticaria:E rash aki ta ronchinan corra cu ta pone e cuero pica. Hopi biaha
esaki ta bin pa causa di un reaccion alergico. E rash aki por sali hopi lihe riba e curpa y
ta kima. Un total di 20% di hende ta experencia e rash aki 1 biaha den nan bida. Hives
of Urticaria por dura un paar di siman prome cu e bai di e curpa.

Prickley Heat na hulandes ta jame Stekelige warmte:E rash cayente aki ta e rason
pakico por experiencia picamento y ta sali riba e cuero ora cu sodo ta keda pega den
e porionan. Esaki ta comun serca baby , pero tur hende por haye den cualkier edad. E
rash aki por bin unda dos cuero ta pega contra otro cu ta bao di brasa, neck y na lies.

Eczema:E tipo di rash aki ta inflamacion di e cuero cu por haci e cuero bira hopi seco y
ta pone e curpa grawata. E grawatamento por haci cu e cuero ta inflama. E rash aki no
ta pega y por sali cu uso di habon, detergente y fibranan synthetico.

Allergia:E causa mas comun pa tin rash cu ta pica y grawata riba henter e curpa ta
debi na alergia. E alergia por bin liviano pero tambe hopi severo. Cu e allergia aki e
curpa por hincha unda e rash ta cu por causa blaar. Algun remede tambe por causa
reaccion allergico.

Reaccion debi na remedi:Algun remedi por causa reaccion di allergia. E lista aki ta
cephalosporins, penicillins, rifampicin y ACE inhibitors. Algun droga manera allopurinol
y acetaminophen por causa reaccion severo jama Steves-Johnson syndrome.

Con pa trata cu curpa cu rash:Curpa cu rash semper tene fresco y hunte cu crema.
Por muha un paña limpi den awa cu ijs y pone riba e rash algun biaha pa dia.