Page 8 - DESPA

Scucha, pensa, y contesta na club primavera

Wednesday, 22 March 2017 11:51
Comparti

E famoso torneo di Scucha, Pensa, y Contesta ta bay inisia atrobe pe temporada di 2017! E fecha poni
p'esaki ta Diasabra 1 April, cuminsando pa 8'or di anochi na Club Portugues na Primavera.

Inscripcion lo cuminsa pa 7:30 PM y lo start tortura e cerebronan pa 8'or. Nos ta pidi cariñosamente pa
tur partisipante bin inscribi tempran pa asina nos por start e torneo na tempo. Kier a recorda tur team cu
e cantidad maximo di partisipante pa cada team ta 6 persona, y cu inschrijfgeld lo ta solamemte "een
tientje". Por hasi reservacion en antemano bia whatsapp na 564-9838. Manera custumber e bar y
cushina lo ta bon stiwa, y cu e tan famoso spetada ya tin wachtrij largo caba p'e, asina ta hasi bo pedido
tempran manera bo yega pa despues bo no keda drief ariba holo so!

Shonnan e cos aki ta bay ta hot! Manera di custumber e prome hersengymnastiek di aña semper ta
caminda e team nan ta subi bataya todo por todo! Bo sa kiko ta e afkorting internacional pa Aruba ta? Bo
sa di unda e tradicion di 1 April ta bin? Bo sa cua grondstof ta saca Aluminium? Bo sa cua ta e aerolinea
cu mas largo a bula ariba Aruba? Nooooo??? Wel bin Club Primavera diasabra 1 di April pa 8'or di
anochi, p'e ekipo di hersengymnastiek gaña bo na ordo! Yegaaaaaa!!