Page 45 - ARENDS JAN 12

Dangui Oduber (MEP): Cambionan di kiesverodening ta
canando su caminda! Promer cu eleccion 2017 esaki mester

bira realidad!

Wednesday, 11 January 2017 18:41
Comparti

E ta un deseo di e pueblo votador pa mira cambio den e kiesverordening. Pa 30 aja largo ta hopi ta e
candidatonan cu a haya hopi voto durante eleccion a keda for di parlamento pasobra e ley no a permiti
nan haya e oportunidad pa drenta parlamento.

Den e constelacion actual di parlamento tin parlamentarionan cu a haya 47 voto y den e mesun partido
tin otro cu a figura mas patras riba e lista y a logra haya 427 voto cu ta casi 10 biaha mas hopi voto cu
esun cu a drenta parlamento. E no ta husta y tampoco representativo pa deseo di e pueblo aki. Un
miembro di Parlamento di Aruba mester ta un persona cu ta representa e deseo di pueblo durante
eleccion. For di luna di decmber 2016 caba un carta a wordo manda pa promer minister Mike Eman
encuanto e cambionan cu ta wordo proponi. Lamentablemente te dia di awe promer minister Mike Eman
NO tawata tin e decencia pa contesta e carta cu mki a dirigi na su persona pa haya e opinion di gobierno
referente e cambionan di e kiesverordening. E cambionan cu ta wordo proponi ta enesera cu pa e
proximo eleccion un candidato ta bin na remarke pa drenta Parlamento di Aruba si e haya
voorkeurstemmen (cual ta mitad di e kiesdeler/asiento mas 1 voto). Na momento cu un candidato haya
voorkeurstemmen e ta saca su mes y automaticamente ta drenta parlamento.

E cambio grandi ta cu, si haya sosten di mayoria den parlamento, pa proximo eleccion 2017 no a base di
numeracion riba lista politico mas sino a base di cantidad di voto ta drenta parlamento di Aruba. Es
decir, esnan cu saca nan mes ta drenta automaticamente y sigui pa esnan cu mas voto riba partidonan cu
saca asiento. Na e momentonan aki e cambionan ta wordo haci den e kiesverordening pa despues e
cambionan aki wordo manda DJWZ (directie wetgeving en juridische zaken) pa haya nan conseho riba e
cambionan cu ta wordo proponi. Una vez cu haya esaki, e cambionan lo wordo manda pa Conseho
Consultativo (Raad van Advies) pa por haya nan conseho tambe riba e ley di iniciativa aki. Despues e
cambionan di e kiesverordening por wordo entrega na presidente di parlamento cu tur speranza cu e lo
yama e reunion aki pa nos por yega na votacion. Mi no por imagina cu tin 1 miembro di parlamento di
Aruba cu lo por ta contra e cambionan aki.

E cambionan aki ta na beneficio di democracia y ta algo cu ta biba den e pueblo votador. E cambionan aki
mester bin na vigor promer cu eleccion 2017 y mi ta spera cu e reunion aki wordo yama pa trata e
cambionan aki pa yega na un votacion pa pueblo por huzga kende ta para pa cambio, kende ta para
paprogreso, kende ta para pa mehoracion di democracia y kendenan ta keda mara na e manera
tradicional y anticua!