Page 55 - AVP

ORANJESTAD (AAN): Prome Minister Evelyn
Wever-Croes a duna di conoce diamars cu Gobierno a tuma e decision pa prohibi tur
importacion, exportacion y transito di oro cu ta bin for di Venezuela.

E mandatario a splica cu e situacion na Venezuela ta sigui percura pa retonan cu ta sin
precedencia y descomunal. Esakinan ta demanda hopi atencion di Gobierno di Aruba, a
expresa.

Prome Minister a indica cu en bista di e desaroyonan den e region, Gobierno a dicidi pa
prohibi tur importacion, exportacion y transito di oro di procedencia directo of indirecto
di Venezuela.

Esaki a keda publica den e Afkondigingsblad van Aruba AB 2019 No. 43. E tema aki ta
topico di discusion mundial y esaki a causa daño na imagen di Aruba, a bisa.

DRECHA IMAGEN INTERNACIONAL

Segun Wever-Croes, durante e gobierno anterior esaki tabata pasa constantemente,
pesey Gabinete Wever-Croes ta scoge pa drecha e imagen di Aruba internacionalmente

y recientemente Corsow tambe a yega na un decreto similar.

“Cu esaki pues nos ta pone un punto final tras di e discusion cu sin importacion of
exportacion of transito d oro ta un negoshi legitimo of no. Si e ta procedente
directamente of indirectamente di Venezuela, e no ta legitimo y ta keda prohibi”, e

mandatario a duna di conoce ariba diamars.

ARUBA Y CORSOW COMO ‘HUB’ PA ORO