Page 56 - AVP

DIARIO a haya extra informacion for di fuentenan bon na altura cu den e dianan aki e
contrabando di oro unda ta uza Aruba como un sorto di hub ta algo cu tabata saliendo
for di man. Ta referi akinan na reportenan y articulonan cu ta circula online unda ta
menciona Aruba como ‘hub’ pa e benta di oro.

E oro cu ta wordo extrae den e minanan door di e mineronan informal na e asina yama
“Arco Minero” y e parke nacional Yapacana na Venezuela ta wordo trafica a traves di e
frontera cu Colombia.

Aña pasa, Colombia a exporta mas oro di loke a produci y esaki ta e prome indicador cu
tin contrabando di oro (labamento di oro).

Parce cu e oro ta wordo re-bendi na companianan grandi na Merca y Suiza. E
traficantenan ta treci Aruba y Corsow e oro aki y segun e informe suministra, akinan e
origen di e oro ta wordo elimina, desapareci, con cu kier yam’e.

Ora cu e oro ta yega na e clientenan internacional, e documentonan ta indica cu nan a
wordo obteni na algun di e islanan, esta Aruba of Corsow y pesey, sin ningun
inconveniente, e aerolineanan ta transporta toneladanan di oro for di Caribe te na
Hulanda, for di unda e mineral ta wordo hiba na e refinerianan den Europa y Medio

Oriente.

Kiermen, henter un organizacion criminal ta opera den e asunto aki y sigur e prome
stap cu por tuma aworaki ta prohibi cualkier operacion cu tin di haber cu oro.

Di mes ta na su lugar pa bin cu un investigacion pa asina haya sa si kendenan lo por ta
envolvi den e caso aki di “Gold Gate”. Keda pendiente pa mas informacion.

https://www.diario.aw/2019/07/gobierno-a-prohibi-tur-importacion-exportacion-y-transito-di-oro-cu-
ta-bin-for-di-venezuela/