Page 44 - HOSPITAAL

Motociclista Edgar Ridderstap di 29 aña ta perde brasa y ta
critico despues di impacto fuerte den palo di luz na Shaba

Saturday, 22 April 2017 08:34
Comparti

Diasabra marduga algo pasa di 4’or, dilanti di Frans Figaroa na Boegoeroei a sosode un accidente cu brommer. Ta un
accidente basta pisa. Na yegada di Polis a haya un homber benta abou cu su brasa drechi practicamente kita y tur na
sanger. E brommer mes a keda full plama for di otro y pieza benta tur rond.

Hasta riba distancia di casi 100 meter por a mira pieza benta. E impacto tabata asina fuerte ku polis mester a sera
full e caminda, debi cu tin borchi di trafico ranca y tur caminda pieza di e brommer benta. Ambulance a ser pidi cu
urgencia pa asina atende cu e victima mirando su situacion cu brasa casi ranca y pia mal fractura. Paramediconan a
atende cune y despues a transporta e homber cu urgencia pa Hospitaal. Specialista di trafico tambe a presenta na e
sitio pa asina haci investigacion y mira ta kiko lo por a sosode cu e motociclista aki. El a dal duro den un palo di luz
causando e golpinan fuerte na su curpa. E tabata bin cu velocidad basta halto. E motociclista ta Edgar Ridderstap di
29 aña. Dokternan na Hospital a cuminsa atende cune mesora. Su situacion ta critico.