Page 17 - MIN VOS 13 MAY 2017

AWEMainta Diasabra, 13 Mei 2017 23

AVB ta invita tur hende pa yega stadion

Play-off di Division Honor 2016/2017 a ranca sali

E campeonato 2016/2017 di Division
di Honor di Arubaanse Voetbal Bond
a inicia dia 30 di september 2016 den
Stadion Guillermo Prospero Trinidad. E
prome wega tabata entre e campeon y sub
campeon di Division di Honor 2015-2016,
esta SV Dakota y SV RCA. SV RCA a gana
e prome wega aki cu score di 3-0.
Di eynan a sigui e campeonato di cual a
hunga mas o menos 80 wega, entre 10
ekipo di futbol, cu na caminda a bira 9,
despues cu Jong Aruba a cay afo.

Na final e standing a keda cu na di 9 lugar
La Fama, sigui pa Caravel, pa Bubali, pa
Estrella, pa Riverplate y asina e 4 ekipo cu
a pasa pe play-off a bira Deportivo Nacio-
nal na di 4 lugar cu 27 punto, SV Dakota
na di 3 lugar cu 28 punto, SV Britannia
na di 2 lugar cu 32 punto y SV RCA na
di prome lugar cu 37 punto.

E 4 ekipo aki lo bataya awor p’e trofeo di campeon y sub
campeon den e liga di mas halto di Aruba, esta Division
di Honor.

Ayera diabierna 12 di mei pa 8’or y mey di ano-
chi den Stadion Guillermo Prospero Trinidad na
Dakota e play-off a inicia, unda cu e wega inicial
di e prome rond a bay entre SV Dakota contra
SV Britannia.

Awe diasabra anochi dia 13 di mei, na stadion di Da-
kota lo t’e wega entre SV Nacional contra SV RCA
y ta inicia pa 8’or di anochi.
Diaranzon dia 17 di mei pa 8’or di anochi
un biaha mas den Stadion Guillermo
Prospero Trinidad na Dakota lo tin e
wega entre SV Britannia y SV Nacio-
nal.
Dia 18 di mei lo tin e wega entre SV
RCA y SV Dakota, tambe pa 8’or di
anochi den Stadion Guillermo
Prospero Trinidad.

AVB ta invita tur fa-
natico di e 4 ekipo ba-
tayando den e play-off
final pa yega stadion
y apoya nan team y
hungadornan fabori-
to. Tambe AVB ta
invita henter Aruba
pa bin stadion y
presencia e we-
ganan.