Page 8 - KPA

DIMP lo reemplaza plachi di number di

auto inferior gratis pa e cliente

Posted on 05/17/2017 11:28 am AST | Updated on 05/17/2017 11:29 am AST

ORANJESTAD – Despues cu NoticiaCla.com a trece dilanti luna pasa cu tin
cantidad di plachi di number nobo di auto di mal calidad riba caminda, ayera
vocero di DIMP (Departamento di Impuesto) Meverly Romano a confirma esaki.
Segun e vocero, den cierto ‘batch nan (grupo), esaki ta e caso unda cu ta papia di e
numbernan 62 mil 63 mil y 64 mil bay ariba, ta esnan afecta. “E plachinan aki ta
perdiendo nan color” Romano a bisa. Clientenan a cuminsa reclama caba pasobra
nan a haya nan mes confronta cu polis ta para nan riba caminda keriendo cu ta
plachi falsifica.

SOLUCION PA E PROBLEMASegun Romano, a tuma contacto cu e compania
encarga, esta Retraco NV, y a confirma cu e calidad di e verf cu a wordo usa, no ta e
mesun calidad di custumber. E compania a palabra cu DIMP cu tur e plachinan cu ta
perdiendo color, e clientenan por haya esaki cambia gratis. “Nos ta pidi e clientenan pa
acudi aki na Camacuri na oficina principal pa nos constata formalmente cu e plachi a
perde su color, of e ta perdiendo esaki” Romano a bisa. Lo avisa e compania e ora y e
compania lo traha plachi completamente nobo pa e cliente ey, sin costo adicional. E
cliente tin cu bin cu e plachi, los e un rato di su auto, trece paden, nan ta registra esaki y e
ta cla. Ora cu e plachi ta cla, ta avisa e cliente pa e pasa busca e plachi nobo na e edificio
otro banda na local pa otorga plachi. Pa buena marcha, y evita mas rabia, por djies bin na
e bali pa informa over di e plachi, envez di para den ful un rij atrobe.E PROME
RAPORTAHE RIBA PLACHI MALOManera cu NoticiaCla.com a raporta for di luna
pasa, tin un cantidad grandi di plachi di auto (nummerplaat) nobo traha cu ta di calidad
inferior cu ya caba ta sea completamente blikia of ta den proceso di blikia. E calidad no ta
bon y tanto minister di finanza Angel Bermudez como director di belasting Luenne
Gomez-Pieters a confirma pa NoticiaCla.com e tempo ey cu nan ta na altura di esaki y cu
nan ta trahando pa remedia esaki. Nan pensamento tambe ta cu mester remedia e
situacion, pasobra e no ta bon cu un grupo ta coriendo cu e number ‘inferior’ siendo a
paga mes hopi cu otronan cu si tin un calidad di plachi di bon calidad. E tempo ey no por
a bisa ainda si, con lo a remedia esaki, ni con lihe esaki lo a keda remedia. E intencion
tabata si pa remedia e problema y posiblemente reemplaza e plachinan di mal calidad of
eventualmente tur e plachi nan por completo. Ta trahando ariba un proyecto caminda lo
bay introduci plachinan duradero cu ta bay mas cu 5 aña cu ta rekeri su tempo di
preparacion di e banda di departamento di Impuesto. E proyecto aki tambe tin e atencion
y prioridad debido di Departamento di Impuesto segun Gomez a sigura e portal aki.