Page 52 - MIN ON

cu ta Sagrado Curason y Colegio Santa Fatima. Tur dos scol conhuntamente tin un
averahe di luga pa 750 alumno. Den e ultimo añanan escolar tin un averahe di 1000
alumno procedente di region Savaneta cu ta bay un scol basico.

A base di cifranan di rapportnan di enseñansa cu por a wordo acumula a bin dilanti, cu
un gran parti di alumnonan di region di Savaneta ta bay un scol basico den otro region.
Pa medio di e cifranan menciona ta visualiza cu, entre 41 pa 45 % di alumnonan cu ta
bay un scol basico procedente di region Savaneta, ta acudi un scol basico den un otro
region.

Door di a compara e situacion menciona di region Savaneta cu otro regionnan (cu
excepcion di region di Paradera) e resultado ta lo siguiente: Na regionnan Noord / Tanki
Leendert, Oranjestad y Santa Cruz tin un averahe di 72 pa 76 % di alumnonan cu ta
bay un scol basico den nan mesun region. Na region di San Nicolas tin un averahe di
90 % di alumnonan cu ta bay un scol basico den nan mes un region.Door cu e scolnan
basico di region Savaneta tin menos luga compara cu e cantidad di alumno cu ta bay
un scol basico procedente di region Savaneta, y cu e porcentahe di alumnonan cu ta
acudi un scol basico den un otro region, ta haci cu region di Savaneta mester di un scol
basico mas. Banda di un scol basico mas mester tene cuenta cu localidad di e scol.
Esaki ta un punto cu sigur lo wordo traha mas amplio riba dje.