Page 54 - MIN ON

Minister Michelle Hooyboer-Winklaar a sali rumbo pa New York como lider di e
delegacion di Reino Hulandes pa presenta na e di 61 session di “Commission on the
Status of Women” na Nacionan Uni. E peticion pa ta lider di e delegacion di Reino a
wordo haci door di Minister Jet Bussemaker, Minister di Enseñansa di Hulanda, cu
normalmente ta fungi como lider di delegacion. Mirando cu otro siman tin eleccion
Parlamentario na Hulanda, Minister Bussemaker a puntra Minister Hooyboer-Winklaar
pa lidera e delegacionnan di Hulanda, Aruba, Corsou y St. Maarten.

E di 61 sesion di “Commission on the Status of Women” (CSW61), cu ta tuma luga na e
cede di Nacionnan Uni na New York for di 13 pa 24 di maart 2017, lo enfoca riba
“Empoderamento di hende muhe den e mundo di trabao cu ta cambiando”. E comision
ta un di e reunionnan anual mas grandi di lidernan global, organisacionnan sin fin di
lucro (NGO), sector priva, partnernan di Nacionnan Uni y activistanan for di rond mundo
enfocando riba e status di e derechonan y empoderamento di tur hende muhe y mucha
muhe rond di henter mundo.