Page 62 - FDLP

FitVille, E Evento Deportivo Mas Grandi Di Crossfit

Na Aruba A Termina Su Competencia Pa Aña 2019

 Deporte
- 07/10/2019

FitVille tabata un evento cu a surpasa tur expectativa y a capta atencion na Aruba y na
nivel internacional. Den FitVille a participa un total 87 atleta internacional y 80 di Aruba;
e impresion cu e atletanan internacional a hiba cas bek tabata uno unico, caminda e
diferente scenario cu a wordo usa rond di Aruba a hala nan atencion y ya algun a
confirma nan participacion pa 2020 como tambe invita mas atleta p’e siguiente aña.

E workout cu a tuma lugar na Renaissence Marketplace tabata un espectaculo p’e
turistanan cu tabata desayunando e mainta ey, nan a disfruta un mundo, nan tur a para un
banda y cuminsa apoya e atletanan cu tabata competi n’e ora ey.

Na lama na Eagle Beach tabata un experiencia unico pa tur atleta. Diferente atleta mester
a landa y haci e workout cual a haci esaki un experiencia cu poco por conta y hopi a
disfruta di dje y esey ta haci FitVille unico den Caribe.

Na Bushiribana tabatin dos diferente cori, uno di 5 km y un di 8 km, aki tur atleta a mira
con e mainta ta habri riba nan cu un solo cu acompañanan durante nan careda mustrando