Page 63 - FDLP

asina kico Aruba tin pa ofrece, un diversidad di scenario tanto pa local como p’e
turistanan loke a haci un disfruta di e lugarnan turistico manera Ayo Rock Formation y
Andicuri cu tabata riba e ruta. E naturalesa di Aruba tabata e scenario pa nan disfruta y
participa den loke nan mas ta gusta.

FitVille tabatin atencion internacional y e evento a bay rond mundo dor di e presencia di
e dos influences conoci como “ The Buttery Bros”. Nan ta conoci internacionalmene pa
promociona eventonan di Crossfit rond mundo y Aruba no por keda afo. Nan a bin
especialmente pa cubri e evento y promocione na nivel internacional, promocionando di
biaha Aruba como un destinacion turistico.

Diadomingo e competencia a caba mas laat di lo previsto, pero e atletanan tabata den nan
ambiente y disfrutando e gran final cu tabata hopi impactante. Na final di e weekend, e
premiacion a tuma lugar na Local Store, y despues a sigi e afterparty.

No por keda sin duna un danki hopi grandi na prome lugar n’e boluntarionan cu a duna
un tremendo asistencia na tur momento, e grupo di huez cu nan tabata dispuesto durante
tres dia completo pa yuda den tur e localidadnan, e grupo cu tabata yuda cu e material pa
ta n’e lugar cada biaha; esaki ta un organizacion tremendo y nan sa di yuda cada
momento; hopi hopi danki na tur.

E sponsornan; sin boso esaki no por a tuma lugar, cada un a aporta grandemente n’e
evento pa tabata asina exitoso, hopi hopi danki na boso tur.

Y pa ultimo no por laga afo e organizadornan e rumanan William y Javier Erasmus
compaña pa e team poderoso di Brigitte Werleman, Jershwin Bautista, Chantel de Palm,
Tarek Nava, Magdala Wever, Ximena Geerman, Fanny Palacio, Daniela Robles de
Medina, Mark Ponson, EJ Marchena; un team cu a cuida cada detaye pa tur cos bay bon.
Hopi hopi danki.

Y por ultimo, cuminsa prepara pa FitVille 2020.