Page 38 - KPA JAN 31
P. 38
Diadomingo pasa di 9:03 anochi central di Polis ta haya
un yamada cu lo tin un hoben hinca altura di Sr. Schaepmanstraat na San Nicolas. Di biaha
patruyanan di San Nicolas y Mobile Eenheid ta presenta na e sitio y topa cu di berdad un hoben
hinca. E hoben tabatin un hinca bou di su brasa y a informa cu e pelea a surgi altura di Pacifico y el
a core bin na un cas pidi ayudo. Ambulance a presenta tambe na e sitio pa atende cu e victima y a
keda transporta pa Centro Medico pa atencion medico avansa. Recherche di San Nicolas tambe a
presenta na e sitio pa asina tuma datos y haci nan investigacion. Cualkier persona cu por sa algo di
e caso aki por duna e tip na 11141 bo ta keda anonimo.
Ambulance a drenta accion lihe pa
homber hayando ataca na Baby Beach
Diadomingo atardi ambulance cu urgencia a keda despacha pa
area di Baby Beach pa un homber cu ta hayando ataca di curason y no ta reaccionando. E unidad di
rapid responder a presenta basta lihe na e sitio unda e paramedico a drenta accion y cuminsa traha
cu e persona pone mashin na su curpa pa evalua su situacion. Polis tambe a keda notifica di e caso
aki y tabata presente pa cualkier eventualidad. Despues di a stabilisa e victima su situacion
ambulance a transporta e homber pa centro medico pa atencion medico avansa.
