Page 41 - KPA JAN 31
P. 41
un señora di edad halto casi 100 aña a keda atraca den su cas pa un homber desconoci. E atracador a
lock e señora den su camber pa asina e homber den e cas. E sospechoso a bandona e sitio y aki ta unda e
señora a bati alarma. Polis a presenta basta lihe na e sitio pa busca mas informe mientras tabatin otro
patruyanan den bisindario buscando. Recherche tambe a keda poni na altura y ambulance tambe a yega
pa e paramedico controla e anciana.
Mucha muhe menor di edad a mira dos homber cara tapa den cas
Diahuebs atardi un mucha muhe di apenas 10 aña di edad
a drenta un susto di su bida ora a mira dos homber desconoci cara tapa cu cuchiu den man drentando su
cas na Bubali. E mucha muhe pa scapa su bida a core bay sconde den camber. E sospechosonan no a
logra haye y a bandona e sitio, e mucha muhe no sa kico nan por a bay cune. Alarma a keda bati manera
esaki a pasa y patruyanan di Noord a presenta basta lihe na e apartament na Bubali. Recherche di atraco
team tambe tabata presente pa asina haci nan investigacion y notifica departamento forensico di
Cuerpo Policial pa presenta tambe y haci cierto investigacion pa tuma evidencia. E mucha muhe di 10
aña a keda basta spanta di e sucedido, mayor tambe tabata presente y tambe no por a kere e sucedido
aki.
