Page 14 - awm02may2017

14 AWEMainta Diamars, 2 Mei 2017

MEP ta lansa candidatonan nobo MANERA lider di MEP Evelyn Wever-Croes a

Karel Jeandor, Roderich Lopez y Arthur Vallejo anuncia, e fin di siman aki e partido a lansa mas
candidato nobo. Nan ta Karel Jeandor y Roderich
Lopez, mientras cu hunto cu nan dr. Arthur Vallejo
a duna su discurso inaugural.

KAREL JEANDOR
Karel ta un persona conoci den comunidad cu a sirbi
den Cuerpo Policial pa 36 aña.
Karel ta gosa di un aprecio y respet grandi den comu-
nidad, y a dicidi pa sirbi su pais pa duna su aporte
pa haci Aruba mas sigur, y especialmente pa lucha
pa nos pensionadonan, of manera e mes a bisa, nos
grandinan clasico.
Den su discurso el a enfoca riba e areanan cu mester
di atencion pa nos grandinan, cu ta cuido medico y
e aspectonan financiero di belasting y prima di AZV.
Karel a wordo acompaña riba escenario pa su esposa
y su yiu, tambe pa algun di su rumannan, y campa-
ñadornan. Por a nota cu e publico presente a gusta
su discurso, y e puntonan di atencion cu Karel a trece
padilanti.

RODERICH LOPEZ
Roderich ta un hoben entrepreneur, cu tin su propio
negoshi. El a studia na Hulanda y despues di bolbe
Aruba ta dedica hopi tempo na nos hobennan y
muchanan, aparte di su propio compania. Roderich ta
lidera Massive Brassband, y su trabou cu nos hoben-
nan y muchanan ta locual a inspira e y MEP pa tuma
e paso aki den politica. Esey el a indica tambe den su
discurso inaugural, cu nos mester pone atencion na
e cuido di nos hobennan.
Roderich a wordo acompaña pa su esposa, su Mama
y su Tata pa e ocasion importante aki.
Su presentacion hopi espontaneo den publico a hala
hopi atencion y a gana curason di simpatisantenan
di MEP.

ARTHUR VALLEJO
Arthur ta un hoben profesional, cu a studia kaar
chirurgie, ciruhia di cachete. Y apesar cu e como yiu
di tera, no a haya e respaldo di AZV pa por traha na
Aruba, el a persevera y awe tin su propio consultorio
cu ta hopi exitoso, danki na sosten di su famia.
Su perseverancia, y especialmente su vision con pa
yuda mehora cuido medico na Aruba, tabata e factor-
nan principal cu a inspira e y partido MEP pa tuma
e paso grandi aki.
Y manera cu e mes a bisa den su discurso inaugural,
nos mester enfoca mas riba prevencion.
Arthur a wordo acompaña riba escenario pa su esposa,
su mama, su tata sr. Carlos Vallejo, su ruman muher
y su campañador, y mester bisa cu simpatisantenan
di partido a reacciona hopi positivo riba su discurso.

E tres prome candidatonan cu MEP a lansa a resulta
di ta candidatonan fuerte, y mas aun a wordo acepta
cu brasa habri den un caluroso bon bini dor di sim-
patisantenan di MEP.
Pabien MEP cu e lansamento aki.