Page 13 - ROBERT CANDELARIA

Helicopter pa polis por ta den servicio

prome cu fin di aña

Posted on 08/16/2018 5:36 pm AST | Updated on 08/16/2018 5:37 pm AST

ORANJESTAD - Si tur cos ta bon, pa november Aruba mester tin un
helicopter den servicio atrobe pa asisti polis cu su trabou. Un peticion pa
destaho publico a keda publica den medionan di comunicacion e siman
aki, y unda por compronde kico tur e helicopter mester por tin y por haci
tambe pa cuerpo policial. E destaho publico lo tuma lugar dia 1 di october
2018 y un luna despues cu otorga e trabou, e helicopter mester ta den
servicio. Esey ta nifica cu prome cu fin di e aña aki, e helicopter por
cuminsa traha.

SPECIFICACION

Interesante tabata e specificacion di e helicopter cu gobierno di Aruba (lesa:
minister di husticia) ta buscando. Fuera di e aspectonan tecnico comun y normal,
e helicopter mester por tin e capacidad di por transporta un persona drumi riba
brancard. Tambe interesante ta cu e helicopter mester ta ekipa cu e asina yama
'FLIR Imaging System'. Esey ta un instrumento cu por localisa hende of bestia,