Page 27 - AWEMAINTA

AWEMainta Dialuna, 3 April 2017 27

Post Aruba ta presenta su souvenir DIA 31 di maart 2017 Post Aruba N.V. a

‘Panorama bou awa 2017’ emiti un serie nobo di stampia den forma di un
souvenir titula: ‘Panorama Bou Awa 2017’. E
souvenir ta consisti di 4 stampia balora na 90
cent, 130 cent, 220 cent y 650 cent, cu ta yega
na un prijs total di Afl. 10,90 y e ta acompaña
pa su ‘envelop di prome dia di emision’ cu ta
costa Afl. 12,40.

E diseñonan pa e stampia aki ta un creacion di
Armando Goedgedrag y e stampianan ta imprimi
na Johan Enschedé Security Print.
90c: Nos por mira e coralnan di Elkhorn den
awa no hopi hundo. E ramanan di e coralnan
aki ta forma e habitat natural pa hopi especie
cu ta biba den rif, manera kreeft, gutu kedebi,
cabaron y otro piscanan di rif. E chuchonan
aguila ta landa algun biaha den grupo grandi
leu den lama.

130c: Cu frecuencia nos por mira na superficie
di lama e turtuganan cu ta bin ariba pa coy poco
aire. Tambe nos por mira algun pisca di rif y
coral masha colorido na superficie di lama.
220c: Bo ta haya e piscanan mas grandi, manera
picuda y gutu kedebi, den fondo di lama. E
chuchonan y streanan di lama ta disfruta di e
suela di santo. Aruba tin algun fantastico resto
di barco cu a naufraga na unda ta forma coralnan
bunita p’asina suministra alimento y refugio n’e
piscanan.

650c: Den fondo di lama bo ta haya waaier di
lama. Bo por compara nan cu coral moli, aunke
cu nan ta keda pega den lodo of santo en bes di
pega n’e capa di santo den bom cu ta mas duro
y firme. Tin hopi pisca colorido tur rond di e
coralnan y e turtuganan ta gusta drumi bou di
e coralnan
E souvenir ta obtenibel na tur oficina di Post
Aruba, respectivamente na Oranjestad, San
Nicolas, Sta. Cruz y Palm Beach Plaza Mall.
E bunita souvenir aki no por falta den bo colec-
cion. Busca esun di bo awe mes, ya cu e cantidad
ta limita.
Pa mas informacion tocante e stampianan ‘Pan-
orama Bou Awa 2017’, por tuma contacto cu
Departamento Filatelico di Post Aruba N.V.,
cu ta situa na J.E. Irausquinplein 9, Oranjestad,
cu su number di telefon 528-7678, of bishita su
pagina di Facebook Aruba Stamps.