Page 22 - AWEMAINTA

22 AWEMainta Dialuna, 3 April 2017

Sophia Petrochi a

gana medaya di plata

SOPHIA Petrocchi a logra gana medaya di Plata den e Junior Pan American Open di Judo,
cu ta tuma lugar na Republica Dominicana.
Asina, Sophia Petrochi a sa ta marca historia y pone nomber di Aruba na halto na Republica
Dominicana. Masha pabien y e siman aki lo tende mas di e logro aki.

LES GRATIS di Taoist Tai Chi

AWE dialuna 3 di April 2017, Taoist Tai Chi Society ta ofrece 1 les di Tai Chi
GRATIS na tur esnan cu ta interesa pa experi-
encia e movementonan di Tai Chi.
Esaki lo tuma lugar n’e Centro di Taoist Tai Chi
cu ta keda na Stadionweg 13. Entre 7-9 p.m. por
pasa libremente den paña comodo y practica
hunto cu e instructor y miembronan.

Alabez tur ex miembro ta bon bini pa participa y tur esnan cu kier
cuminsa practica Taoist Tai Chi pa mehora of mantene un bon estado
di salud.
Diamars dia 4 di april e prome di e 8 lesnan nobo pa principiante ta
cuminsa na Stadionweg 13.
E lesnan parti mainta na Stadionweg 13 ta riba diamars, dia-
huebs y diabierna di 9-11am y diasabra 8-10 am.

Diamars atardi/anochi tin 2 les: 5.30-7.30 pm y 7-9pm. riba
diahuebs di 7-9 pm. Y na Scol Promer Paso na Savaneta tin 1
les diamars 7-9 pm.
E mehoracion den condicion fisico y mental ta obvio dor di
practica Taoist Tai Chi y p’esey nos ta recomenda tur esnan
cu kier mantene un bon salud pa bishita nos libremente awe
dia 3 di april na Stadionweg 13 y experiencia kico e arte aki ta.
Acudi na nos website: www.taoist.org (find a class
near you) y nos fb page Taoist Tai Chi Society
Aruba. Pa mas informacion por yama 583-0177.