Page 17 - KPA

Locutor Oz Jansen ta

haya castigo

Published on March 30, 2017 in Corte
ORANJESTAD, Aruba

Corte den Prome Instancia a duna dj Oz di tende cu e la haya un castigo di 18 luna
incondicional, kitando e tempo cu e la sinta caba cu ta cuater luna. Su castigo ta
pasobra e la tene relacion sexual cu un mucha muher di 14 aña. Segun Huez e caso
aki mester ta un mensahe cla momento cu otronan pensa di comete mesun acto.
Jansen den su declaracion a bisa cu e no tabata sa cu e mucha muher tabata un menor
di 14 aña y cu sex ta voluntario tampoco ta haci ningun diferencia, pasobra cu un
menor e ta keda castigabel. Durante e relacion no a usa proteccion causando cu e
hoben a sali na estado pa despues bisa e hoben di 14 aña cu e no ta para responsabel
pa esey. Abogado di Jansen a bisa cu su cliente a topa e muha muher den un bar unda
a flirt un rato y pa despues bai un apartamento. Abogado tambe a cuestiona ki mishi un
hoben di e edad ey laat den un bar. Na final di e caso dj Oz a pidi disculpa na famia di e
mucha muher y na su famia causando nan dolor pa motibo di su acto. Esaki ta prome
biaha cu Jansen ta haye den problema cu husticia.

Minister Paul Croes ta

keda movi

oblicatoriamente for di

Gabinete Eman II

Published on March 30, 2017 in Politica
ORANJESTAD,Aruba

Den cuadro di un investigacion grandi den gobierno, Ministerio Publico a invadi 13 cas
diamars pa 6’or di mainta. Pa sorpresa di hopi hende un di e casnan aki ta di minister
encarga cu labor, social y hubentud Sr. Paul Croes. Ministerio Publico a duna orden pa
haci e invacion na tanto su cas como su oficina situa den Cocolishi, pero tambe na otro
diferente camindanan c uta relaciona cu e mandatario.