Page 18 - KPA

Na e minister su oficina trahadonan cu ta traha den su ministerio no a ser permiti pa
drenta oficina mientras cu tabata coi varios documento. Segun un comunicado di
Ministerio Publico cu a sali durante dia ta trata aki di un investigacion grandi riba
ambtelijke corruptie. Riba mesun diamars pa 11’or di mainta Minister Publico pa medio
di Fiscal Mayor Erick Olthof a bisa cu sr. Paul Croes ta e unico minister sospecha den
caso di e investigacion cu tin di haci cu permiso di trabao cu a bai den direccion di
corupcion y soborno.

E invacion ta enserra varios cas, oficina y fundacion tur tin relacion cu Croes. Mas tanto
a confisca documentonan administravio pa sigi cu e investigacion segun mr. Olthof.
Tanto e minister como trahadonan lo a ricibi regalo, despues di a duna servicio na
stranhero pa jega na permiso di trabao. E investigacion tabata den man di dos hues
comisario, personal di landsrecherche, RST, KPA, FIOT y FIOD como tambe
marechaussee. Fuera di documentonan administrativo a tuma for di e sitio varios
persona a ser interoga.

No tabatin ningun detencion pero no por kita afo cu esaki lo sosode mirando ki
direccion e investigacion ta bai segun Fiscal Major. Minister Presidente Mike Eman
diamars atardi tambe a tene un conferencia di prensa bisando cu e caso contra minister
Paul Croes ta algo sumamente penoso si mira cu e ta sospecha di actonan corupto. E
tipo di investigacionnan aki ta tuma luga den forma independiente y cu gobernacion ta
respeta tipo di investigacionnan asina. Tambe sr. Eman a bisa cu e investgacionnan aki
a bin abase di kehonan pero cu e no conoce e detayenan. Pa loke ta posicion di
gobierno y retiro di e minister, e ta haya esaki poco prematuro pa bisa y cu mester
analisa esaki. Tambe e prome mandatario a bisa cu for di 1 aña pasa Minister Paul
Croes a desminti rumornan rond di su persona, cu e lo ta envolvi den supuesto
parcticanan ilicito. Tur loke ta mensiona di investigacion rond di Minister Paul Croes e la
dicidi di aleha pa un periodo como Minister for di Gabinete Eman II. Un decision cu
sigur lo na bienestar di pueblo di Aruba pasobra trabao di su gabinete mester continua
pa buena marcha di gobernacion y tur departamento cu ta bai bao di ministerio. Asina
tambe lo keda pendiente di e investigación cu lo mester sigui.

Castigo di 4 aña pa polis

E.R.B.

Published on March 30, 2017 in Policial
ORANJESTAD,Aruba

Awe mainta corte den Prome Instancia a sentencia polis E.R.B. na 43 luna di prison. E
caso ta debi cu e acusado lo a viola un dama ilegal. Enbes di a hiba e persona aki
warda di polis a hibe un sitio scondi y abusa di dje. E la haya castigo di 4 aña
incondicional, kitando e tempo cu e la pasa deteni. Huez a haya su storia no kreibel y ta