Page 12 - BNDIA ARUBA

a12 riba caya
Diaranson 17 Juli 2019

Accidente cu impacto fuerte

na Seroe Patrishi

SEROE PATRISHI - Dialuna merdia sosode un acci-
dente entre dos auto pa falta di preferencia yegando e
rotonde Seroe Patrishi biniendo for di Seroe Blanco.

Chauffeur di e Hyundai Santa fe a bay lora dilanti un Volk-
swagen y lo a calcula e distancia malo y consecuencia e au-
tonan a dal contra di otro basta duro. Un persona a wordo
herida. Ambulance y roadservice tabata presente di biaha.

Dama a spanta ora a mira auto reverse riba dje

ORANJESTAD - Na e parkeerplaats unda antes tabata
e consulado Venezolano riba Paardenbaaistraat dialu-
na atardi, un chauffeur di un versa tabata reverse y net
un persona ta canando su tras.

E dama peaton a spanta ora el a mira e auto ta bin riba dje y a
dal abou. E tabata keha di dolornan fuerte na curpa despues
di a cay, ambulance a presenta y paramediconan a brinda asis-
tencia medico na e victima. Polis di trafico tabata na e sitio pa
tuma dato y e auto mes no tabata tin nada.

Ceramento di caminda en conexion cu proyecto Green Corridor

ORANJESTAD - Departamento di Obra
Publico ta informa pueblo di Aruba en gen-
eral y specialmente nos automobilistanan
cu ta haci uzo di e caminda for di Sabana
Basora pa rotonde di Pos Chikito, cu dia-
huebs dia 18 di juli 2019 for di 8:30’or di
mainta pa 1’or di merdia lo bay cera e ca-
minda pa haci trabounan di marcacion.

Solamente automobilistanan cu ta riba e camin-
da di Sabana Basora pa rotonde di Pos Chikito lo
mester haci un desviacion y sali riba e T-kruising
di Rooi Lamoenchi pa subi caminda grandi.
Pa automobilistanan for di Oranjestad pa San
Nicolas y Vice Versa, e caminda principal lo keda
accesibel.

En conexion cu e trabounan menciona Departa-
mento di Obra Publico ta haci un peticion na tur
automobilista pa no haci uzo di e camindanan
menciona y ta pidi pa tene cuenta cu e incon-
veniencia cu lo por surgi pa cual nos ta pidi nos
disculpa.