Page 13 - BNDIA ARUBA

a13
riba caya Diaranson 17 Juli 2019

Jeep ta causa accidente na

Tanki Flip

TANKI FLIP - Diamars atardi riba caminda di Tan-
ki Flip pariba di e rotonde un chauffeur den un Jeep
Wrangler no a calcula su distancia y a dal basta duro
tras di un pickup y cu consecuencia e pickup a dal tras
di un lancer.

E impacto a haci cu e chauffeur den e pickup a dal su cabes
contra e glas su tras y a herida su mes. Ambulans a presenta y
paramediconan pa atende cu e herido. Polis y roadservice na e
sitio a tuma dato di e accidente.

Doño ta demanda bisiña cu a
haci tereno di cas bandona limpi

ORANJESTAD - Bureau City Inspector a bolbe
haya melding cu e cas bandona na Catiri ta yena
di sushi atrobe. BCI a bay na e sitio pa controla y
berdad a haya e cas yena cu sushi tur rond.

Mirando cu ya caba e doño a denuncia un bisiña pa
motibo cu e bisiña a paga pa haci e luga limpi . Nos
di BCI kier a pidi e doño incaresidamente door cu tin
hopi sushi atrobe rond di e cas aki pa cuminsa na haci
esaki limpi pa motibo cu esaki no ta Sistema. Mescos cu
e doño sa di denuncia, mescos e mester sa pa haci su
tereno limpi. Si esaki no ser haci pronto nos lo tuma ley
den man pa por trece solucion pa e caso aki. Señiores
ban cuminsa mantene pafo di bo cas limpi no ta paso ta
bo cas mester tira tur desperdicio rond. Y na esunnan cu
ta tira sushi den e tereno aki nos tin nan na bista pa es
motibo ban mantene esaki limpi.

Nissan Cube a causa dos

auto dal contra otro

DAKOTA - Dialuna durante oranan di atardi na e cru-
sada Stationweg y Avenida Milo Croes a sosode un ac-
cidente.

Aki ta na unda cu e chauffeur di un Nissan Cube a bay lora
dilanti otro auto y esaki a causa cu e chauffeur di un Byd a
perde control y bay dal basta duro contra un Santa Fe. E im-
pacto a laga persona levemente herida.
Ambulance tabata presente y paramediconan a brinda asisten-
cia medico na e victima. Polis di trafico y roadservice tabata na
e sitio pa tuma dato di e accidente.