Page 3 - BNDIA ARUBA

A3
LOCAL Diaranson 17 Juli 2019
Cruz Cora cu programa Biba Bida,
Hendenan grandi ta haya tayer pa prepara pa temporada di horcan

ORANJESTAD – Ayera na Centro di Bario
Noord, Cruz Cora Aruba a ofrece su pro-
grama ‘Biba Bida’, cu ta dirigi pa tur persona
adulto mayor di 65 aña siña di prome auxilio
y con nan por prepara pa temporada di hor-
can, cu a cuminsa dia 1 di juli pasa.

Planificacion contra desaster cerca hendenan
grandi ta hopi importante. Ora ta trata di desaster
manera un candela grandi, un horcan of un tem-
blor, ta necesario pa e hendenan grandi y e per-
sona cu ta cuida nan considera algun aspecto di nan
necesidadnan particular.

Hopi hende mayor di 65 aña ta biba nan so den cas,
aunke algun di nan tin cierto limitacion di mobi-
lidad, pero den momento di un emergencia of ora
tin posibilidad di un desaster, nan lo por resulta
esunnan mas vulnerabel. P’esey ta importante pa
nan tin un plan bon detaya pa enfrenta y supera e
retonan cu ta plantia den un situacion di emergen-
cia of desaster.

Indra Anthony-Pereira, miembro di Cruz Cora
Aruba, a splica cu e programa ‘Biba Bida’ ta dirigi
pa personanan di 65 aña pariba, specialmente ta
dedica pa personanan cu ta biba nan so den cas.

Anthony-Pereira a informa cu Cruz Cora ta ofrece
un tayer di prome auxilio basico pa e personanan
cu ta asisti na e centro di bario. Durante e tayer, e
instructor a splica nan con por preveni daño, con
por prepara y kico nan mester tuma na cuenta ora
di un evacuacion.

Tambe el a bisa cu tin biaha e programanan di re-
duccion di riesgo ta ignora e necesidad special di e
hendenan di edad avansa. E personanan aki, mayo-
ria ta descuida of nan no ta asisti pa otro den bida
diario, pero den epoca di desaster, nan ta esunnan
cu tin un grado mas vulnerabel, cu ta determina pa
via di salud, status social, discriminacion, entrada
economico y asistencia di alimentacion.
Manera a informa na prensa internacional, 68% di
e personanan cu a muri durante e horcan Maria na
Puerto Rico na aña 2017 tabata hendenan grandi. E
horcan tabatin un impacto masha grandi mes riba
e personanan mayor, nan tabata desespera, ansioso
y tabata sufri di depresion, como tambe nan a haya
cu situacion economico cu a bira pio despues di e
horcan.

Ta importante cu e personanan tin cu ta prepara pa
un fenomeno como horcan pa motibo cu Aruba ta
un isla cu den futuro por sufri di esey.

Un check list cu e personal di Cruz Cora a ofrece
ayera durante e tayer tabata lo siguiente:
- E personanan mester ta prepara, scucha
radio of TV cu ta duna informacion di Servicio
Meteorologico, controla e ‘supply kit’ di desaster,
planea cu famia nan unda mester bay durante e
horcan, planea cu bisiñanan, pone documentonan
importante na un luga sigur cu no por haya awa,
corda di e mascotanan y desconecta tanki di gas.
- Mester prepara loke mester uza durante e
temporada di horcan, por ehempel, awa, cuminda,
flashlight cu bateria extra, radio y medicamento,
den caso cu mester haci uzo dje.
- Lista di numbernan di emergencia y famia.

Despues di horcan, e personanan mester keda
pendiente di awasero pa oranan largo cu por causa
inundacion, tambe controla e dañonan den e cas,
keda trankil na cas y no subi riba caya si no ta nec-
esario.