Page 8 - HOH

12 riba caya
Dialuna 30 Januari 2017
Homber tabata hayando

ataca na Baby Beach

SAN NICOLAS - Diadomingo atardi ambulance a
wordo despacha cu urgencia pa area di Baby Beach pa
un homber cu tabata hayando ataca di curason y no ta-
bata reaccionando.

E unidad di rapid responder a presenta basta lihe na e sitio,
unda e paramedico a drenta den accion y a cuminsa traha cu
e persona. A pone mashin na su curpa pa evalua su situacion.

Polis tambe a keda notifica di e caso aki y tabata presente pa
cualkier eventualidad. Despues di a stabilisa e victima su situ-
acion, personal di ambulance a transporta e homber pa Cen-
tro Medico pa atencion medico.

Turista femenino asalta y horta na lama

NOORD - Diadomingo marduga un turista femenino a dicidi di bay den lama un
rato pa relaha su curpa y a laga su paña y cartera banda di beach.
Ora e tabata den awa el a mira un persona sospechoso para banda di su pertenencianan. E dama
a sali bay wak kico tabata pasando. El a keda sorprendi pa un homber desconoci cu arma blanco
den su man pidiendo pa su pertenencianan y a bay cu su paña y cartera.

Polis a bay cu e dama unda e ta kedando pa busca mas informacion y asina yega bek na Hilton
na e beach pa mira unda e caso a pasa. Algun meter leu a haya paña di e dama.

Homber a pega soño

na South Beach Mall

NOORD - Diadomingo marduga mientras tur luga ta-
bata cerando na South Beach Mall, polis a topa cu un
homber sinta riba un stoel dilanti un restaurant.
Nan a bay controla si tur cos ta bon. A resulta cu e homber
tabata morto na soño y banda di su stoel tabata tur na sushi,
e alcohol tabata mucho fuerte p’e y e no sa mes di mundo. E
oficialnan no por a laga e homber asina su so riba caya pa algo
pas’e. E oficialnan a opta pa bay cu ne warda pa e por a drumi.