Page 13 - BNDIA ARUBA

a13
riba caya Diabierna 21 September 2018
A gara homber cu a ser deporta cuater biaha caba
Entrada hudicial na Madiki a detene tanto local y stranhero

ORANJESTAD - Despues di algun dia di investigacion
autoridad tabata tin bista riba un sospechoso peligroso
riba nos isla cu a bin for di Venezuela y mas cu 4 biaha
a keda deporta pa ta ilegal riba nos isla.
Ayera madruga, en conexion cu un investigacion andando a
detene un homber procedente di Santo Domingo cu nacio-
nalidad Venezolano, cu inicial R.S.R. di 32 aña miho conoci
como ‘El Menor’.

Ultimo lunanan e recherchenan di team woninginbraken
tabata tin varios denuncia haci di ladronicia den cas y hasta
ora hende ta drumi e homber ta drenta cas sin cu bo lanta.
Diahuebs den oranan di marduga fiscal a duna ordo pa tene
entrada hudicial unda e sospechoso ta kedando na cas di un
persona local. E entrada hudicial a tuma luga na un cas na
Madiki. A detene dos señora Arubiano y cuater ilegal.
El Menor ta wordo sospecha di a comete ladronicia den cas-
nan vacacional aki na Aruba. Por bisa cu ta di cuater biaha
caba e sospechoso aki ta wordo deporta y e ultimo tawata juni
2018. Despues di a sinta su castigo pa e mesun delitonan cu
e ta wordo sospecha awe. Augustus 2018, e sospechoso aki ta
na Aruba y a cuminsa comete ladronicia den diferente casnan
vacacional.

Segun un comunicado di Cuerpo Policial, den e cas a bin haya
bastante droga y articulonan procedente di ladronicia. Tambe
a confisca un auto cu tawata wordo uza den e ladronchinan.
Ta considera e homber Venezolano sumamente peligroso pa
e motibo aki a haci uzo di Arrestatie Team pa detene e sos-
pechoso aki. Pa Cuerpo Policial Aruba por resolve mas caso e
cooperacion di pueblo di Aruba ta hopi importante pa e mo-
tibo aki nos ta pidi si bo tin cualkier informacion yama nos
tiplijn: 11141.