Page 100 - KPA

Comisario Vanessa Kock: Polis por bay costa por lo menos 1
pa 2 miyon florin na overtime durante e temporada di

Carnaval

Sunday, 15 January 2017 19:34
Comparti

E costonan por ehempel na placa, ta bisa cu esaki ta actividad di mas grandi di aña cu polis tin mannan
yen. Riba esaki Vanessa Kock

, Comisario di Polis a splica cu mas largo e temporada di carnaval ta, mas costo e ta trece cun'e. Carnaval
ta un di e eventonan cu anualmente por planie y por bisa di antemano cu e ta bay costa bastante placa. E
ta un prioridad den e parti cu tin cu ta presente y caminda cu automaticamente e ta bay exigi hopi
personal, pero tambe oranan cu e personanan aki lo mester traha. Ta papiando di por lo menos 1 pa 2
miyon florin na overtime. Na momento cu ta papiando di organisa y percura pa por garantisa orden
publico optimal durante di carnival.

Siguridad extra

Den pasado a yega di menciona cu carnaval etc., lo ta bon pa gruponan tambe contribui na e siguridad
extra, esta pone extra security y por inverti den esaki tambe pa haya cierto entradanan pa cubri loke ta
costo di polis. Carnaval ta placa tambe. Segun Comisario di Polis, Vanessa Kock, a splica cu diferente di e
temanan aki a wordo discuti den diferente grupo den pasado, pero tin di bisa cu ultimamente a yega na
un acuerdo cu e organisacion di carnaval mes, caminda cu e momento cu ta papiando di por ehempel un
parada, e siguridad di e participantenan en todo caso ta bay wordo cubri door di security di cada grupo.
Esey ta por bisa loke a wordo palabra entre organisacionnan di carnaval, hunto cu polis, pasobra polis ta
keda encarga y responsabel pa orden publico, pero tambe tin e parti di e parada mes. Carnaval riba su
mes, y ta keda den man di SMAC. Pa esey tin un comision apart, tambe cu ta consisti di diferente
dirigente den polis, caminda cu ta wordo discuti semanalmente caminda cu ta bay wak kico ta posibel,
kico ta wordo exigi na cada parada, pasobra naturalmente no ta tur parada tin e mesun cantidad di
participante, pero tin di bisa cu e tipo di discusionnan aki ta tumando luga den e gruponan aki y e ta
bayendo hopi bon.
Orario di parada

Pa loke ta importante pa polis, mayoria di e polisnan semper ta bisa cu por haya cu ta papiando un biaha
mas di e siguridad. Esey ta e parti di mas importante. Tin cu wak nan propio siguridad. Na momento cu
ta wordo planifica hunto cu polis mes, su orario, pa salimento di carnaval, kier pa e tuma luga manera ta
palabra. Naturalmente tin cu tene cuenta cu si ta un parada cu ta den oranan di mainta y si ta bira anochi
laat, ta trece otro partinan cun'e cu polis ta bay haya problemanan cun'e. No ta cuestion di pusha un
parada, pero kico a palabra, kico ta posibel y atrobe ta referi kico a palabra, pasobra tur tempo e
palabracion, e intencion ta pa palabra esaki cu polis, pasobra na final polis ta keda cu e parti di orden
publico. Esey ta e problematica di mas grandi ora ta trata un evento asina grandi. Mester por garantisa