Page 99 - KPA

Comisario Vanessa Kock ta splica kico Carnaval ta nifica pa
polis

Sunday, 15 January 2017 19:01
Comparti

Kico carnaval ta nifica pa polis? Esaki ta un pregunta cu ta wordo haci na comisario di polis, Vanessa
Kock. Nan ta esnan cu ta encarga cu siguridad den Carnaval

pa tur cos cana manera mester ta. Pero hopi hende no ta para keto un rato riba e costo cu esaki tin pa
cuerpo policial y e budget cu ta haya pa traha cun'e durante aña. E ta splica cu Carnaval ta un di e
eventonan di mas grandi cu tur aña na principio polis ta haya su mes cun'e.

Carnaval ta nifica un planificacion masha grandi mes na final di e prome aña caminda cu tin cu haci full
un indeling di e capacidad di personal cu mester tin disponibel pa carnaval y caminda cu tin cu bay wak
kico ta e funcionalidadnan necesario na e momento di e temporada di carnaval.

Pa polis, carnaval no ta solamente un parada, e ta un temporada.

Esey ta nifica cu mas largo e temporada di carnaval ta, naturalmente mas costo e ta trece cun'e pa cuerpo
policial. Tin cu imagina cu cada evento di carnaval ta nifica cu cada districto den e caso aki los di Playa of
San Nicolas, tambe otro departamento tin cu haci un planning completo kico nan ta duna na personal y
pakico nan ta duna nan personal. Esey ta nifica cu mayoria biaha, hopi biaha comunidad tin e
pensamento cu carnaval pa polis ta e evenemento, e momento ey. Pero e planificacion ta encera e
temporada di carnaval completo, cu ta eigenlijk tur loke ta pasa prome cu e evenemento, durante di e
evenemento di carnaval, pero principalmente despues cu e evenemento a tuma luga caba. Esey ta nifica
cu hopi biaha no ta solamente polis uniforma cual ta visibel pa comunidad ta e caso, pero tambe tin cu
imagina, pesey ta papia di funcionalidad, kico mester e momento di un temporada cu ta asina druk. Tin
un comunidad of un gran parti di comunidad cu ta bay presencia carnaval. Tin un grupo grandi na
participantenan di carnaval y e tarea principal di cuerpo policial durante carnaval ta keda e parti di
mantene e orden publico. Orden publico ta nifica cu no ta solamente visibilidad di polis ta hunga un rol
importante, pero mester por garantisa siguridad di cada persona riba caya, sin lubida e siguridad di e
polis mes. Tin cu imagina tambe cu automaticamente e momento cu ta papiando di gruponan special
manera un mobiele eenheid, of K9 Unit, of otro teamnan special, cu ta wordo involucra den e planning di
carnaval, ta pasobra e ta necesario e momento ey pa por mantene e orden publico na un manera optimal
tambe.