Page 31 - KPA

Dialuna madruga despues di e atraco na Morgenster, e patruya di Oranjestad a nota un Toyota
Tercel bieuw y pa colmo blanco y a dicidi di bay su tras pa par'e y control'e pero ora ela sende
su zwaailicht cu sirena e auto na lugar di stop a primi gasolin y a purba huy. A start un
persecucion cu a bay para te na Mahuma ora cu e chofer Latino a drenta un hanchi sin salida y
a keda atrapa. Nan a bula sali for di e auto y polis a logra gara un di nan mientras e otro a
deaparece den e mondinan. Esun atrapa a keda deteni y hiba warda di polis mientras e auto
mes a ser confisca pa mas investigacion.